Microsoft şirkəti Windows 10 əməliyyat sisteminin yeni versiyasını Windows Insayderləri üçün təqdim edib. 18936 nömrəli yeniləmə sistemi tamamilə şifrəsizləşdirir və istifadəçinin şifrə daxil etməsinə gərək qalmır.
Bunun əvəzinə əməliyyat sistemi Windows Hello ilə üz tanıma sistemini təklif edir və ya biometrik barmaq izi skanerini. Bundan başqa fiziki təhlükəsizlik açarı variantı da var. Hal-hazırda yeni əməliyyat sistemi yalnız bir sıra istifadəçilər üçün əlçatandır və beta-test mərhələsindədir. Qeyd edilir ki, əməliyyat sistemin test versiyasında bir çox sistem səhvləri olur, buna görə də sistemin quraşdırılması kompüterdə bir sıra problemlərə yol aça bilər.
