Evan Blass kimi tanınan məşhur insayder Samsung Galaxy S10 flaqmanının yeni render fotolarını paylaşıb. Bu, Samsung cihazlarının rəsmi görüntüləridir. Bunıardan biri 3 kameralı moduldan ibarət Samsung Galaxy S10 flaqmanıdır, digəri isə iki kameralı moduldan ibarət Samsung Galaxy S10e cihazıdır. Hər iki model tək kameralı selfie modul ilə təchiz edilib, hansılar ki, ekranın sağ üst küncünə bərkidilib.
Samsung Galaxy S10e kənar panelə yerləşdirilmiş barmaq izi skaneri ilə təchiz edilib. Galaxy S10-da isə skaner ekranın altına quraşdırılıb.
Xatırladaq ki, Samsung Galaxy S10+ qoşa modullu ön kamera ilə təchiz edilib və 12 GB RAM/1 TB yaddaşa malik olacaq. Cihaz 20 fevralda təqdim ediləcək, elə həmin gündə Samsung-un qatlanan smartfonu da təqdim ediləcək.
