Çin Twitteri sayılan Weibo-da Xiaomi Mi 9-un göstəriciləri haqqında məlumatlar paylaşılıb. Belə ki, ekranın altına quraşdırılımış barmaq izi skaneri öz təsdiqini tapıb.
Xiaomi Mi 9 6.4 düymlük AMOLED displey (damcı formasında kəsiklə), Full HD+ genişlənmə, əsas üçlü kamera (48+12 mp + ToF modul), 24 mp ön kamera ilə təchiz ediləcək. Cihaza ən yeni Qualcomm Snapdragon 855 prosessoru quraşdırılacaq. Batareyanın həcmi 3500 mAh təşkil edəcək. Quick Charge 4.0 tipli sürətli enerji yığma dəstəyi mövcuddur. Əməliyyat sistemi Android 9.0 Pie olacaq (MIUI 10 ilə).
Xiaomi Mi 9 6/128 GB versiya üçün təxminən 445 dollar tələb olunacağı deyilir. Smartfonun rəsmi təqdimatı Fevral-Mart aylarında planlaşdırılıb.
