Xiaomi Mi 9 flaqmanı təsvir edilən qeyri-rəsmi şəkillər İnternetdə yayılıb. Xatırladaq ki, Mi 9 gələn ilin ilk rübündə təqdim ediləcək və satışa çıxarılacaq.
Yayılan şəkillərə inansaq, Xiaomi Mi 9 Oneplus 6T və Huawei Mate 20-yə bənzəyir. Ekranın üst hissəsində sadəcə kamera üçün damcı formasında kəsik var, alt hissədə isə çərçivənin nisbətən həcmli olduğu görünür. Bundan başqa qeyd edilir ki, smartfonun əsas kamera modulu 2 hissədən ibarət olacaq, 3 deyil. Sürətli enerji yığma texnologiyası mövcud olacaq. Barmaq izi skanerinə gəldikdə isə, şəkillərdən də göründüyü kimi texnologiya ekranın altına yerləşdiriləcək. Prosessor isə ən yeni Qualcomm Snapdragon 8150 olacaq.
