Xiaomi şirkətinin məhsul və marketinq direktoru Donovan Sung öz Twitter hesabından bildirib ki, Xiaomi-nin növbəti flaqmanı Mi Mix 3 10 GB RAM və 5G şəbəkə dəstəyi ilə təchiz ediləcək.
Qeyd edək ki, Xiaomi Mi Mix 3 flaqmanının təqdimatı 25 oktyabr tarixində Pekində baş tutacaq. Bu smartfonun ön hissəsində «iPhone stilində» kəsik elementi olmayacaq, əksinə, daha nazik çərçivələrlə ön panel ekranla örtüləcək. Ön kamera xüsusi bir modul ilə smartfonun üst hissəsində açılıb-bağlanacaq. Barmaq izi skaneri isə ekranın altına quraşdırılacaq. Ön kamera 23 mp, əsas kameralar isə 40 mp olmaqla 3 moduldan ibarət olacaq. Qualcomm Snapdragon 845, 6/8 GB RAM və 64/256 GB daxili yaddaş smartfonun digər göstəriciləridir.
