Samsugn Electronics smartfonlar üçün iki yeni kamera sensorunu təqdim edib: 48 mp. Isocell Bright GM1 və 32 mp. Isocell Bright GD1. Yeni sensorlar bir neçə modullu kamerası olan smartfonlar üçün nəzərdə tutulub.
Hər iki sensor 0.8 mkm piksel ölçüsünə sahibdir. İstehsalçının sözlərinə görə Isocell Plus yaxşı keyfiyyəti təmin edəcək. Daha az ölçü rejimində, 12 mp GM1 və 8 mp GD1 sensorları az işıqlanma şəraitində yaxşı şəkillər çəkməyə imkan yaradacaq. Oxşar texnologiyadan hal-hazırda bazarın ən yaxşı kamerasına malik Huawei P20 Pro flaqmanında istifadə edilir.
Bundan başqa, GD1 üçün real zamanda HDR rejiminin də mövcudluğu təsdiq edilib. Samsung Isocell Bright GM1 və Isocell Bright GD1 sensorlarının istehsalı cari ilin son rübündə başlanacaq.
