Sony şirkəti əfsanəvi Sony 1 oyun konsolunu yenidən Playstation Classic adı ilə təqdim edib. Xatırladaq ki, Sony 1 konsolu 25 il öncə satışa çıxarılmışdı.
Playstation Classic konsolu Sony 1-in kiçik bir versiyasıdır, təxminən 45% daha kiçik. Komplektdə orijinal dizaynda 2 kontroller mövcuddur. Konsola 20 əfsanəvi oyun quraşdırılacaq. Onların arasında Final Fantasy VII, Jumping Flash, Ridge Racer Type 4, Tekken 3 və Wild Arms kimi oyunlar vardır.
ABŞ-da Playstation Classic 99.99 dollara, Avropada isə 99.99 avroya təqdim ediləcək. Satışa çıxarılma tarixi 3 dekabr 2018-ci ildir.
