WPA2 texnologiyasının yaşı artıq 10 ili keçib, hakerlər də hər gün bütün dünya üzrə milyonlarla routerə hücum edir. Buna görə də, Wi-Fi Alliance qrupu cihazları yeni təhlükəsizlik protokolu ilə təchiz edir. Bu protokl vasitəsilə istifadəçilər təhlükəsiz olaraq simsiz şəbəkələrə qoşula biləcəklər.
Yeni WPA3 texnologiyası WPA2-ni əvəz edəcək, hansı ki, hələ uzaq 2004-cü ildə yaranmışdı. Yeni protokol hakerlərə şəbəkələrin qırılması yönündə ciddi maneələr yaradacaq. Belə ki, şəbəkə hakerlər tərəfindən qırılsa belə istifadəçi məlumatları protokol vasitəsilə bloklanacaq. Bundan başqa, WPA3 ilə Easy Connect adlı funksiya da gələcək ki, bu da istifadəçilərə sadəcə QR kodu skan etməklə şəbəkəyə qoşulmağa imkan yaradacaq.
