WhatsApp messencerenin növbəti yeniləməsi ilə istifadəçilər silinmiş faylları da yükləyə biləcəklər. Yeni funksiya WhatsApp-ın 2.18.113 saylı Android üçün yeniləməsində tətbiq ediləcək.
Əvvəllər GİF-fayllar, şəkillər, video, səsli mesajlar və sənədlər WhatsApp-ın serverində 30 gün ərzində saxlanılırdı. Bundan sonra əgər istifadəçi tətbiqin xüsusi faylında yerləşən məzmunu silirdisə, 30 gün sonra həmin faylları geri qaytarmaq mümkün deyildi. İndi isə istifadəçilər smartfondan silinən faylları da yükləyə biləcəklər.
