Kaspersky Lab mütəxəsisləri mobil cihazların izlənməsi məqsədi ilə yaradılmış yeni bir virusla qarşılaşıblar. Qeyd edilir ki, Skygofree adlı bu virus 2014-cü ildən fəaliyyətdədir. Skygofree danışıqları dinləyə bilir, WhatsApp mesajlarını oxuyur və cihazı lazım olan Wi-Fi şəbəkəsinə qoşurlar. Maraqlısı budur ki, virus vasitəsilə smartfon ətraf mühit səslərini də qeydə alır. Bu, mikrofonun gizli aktivləşdirilməsi yolu ilə baş verir. Skygofree smartfonun kamerası vasitəsilə istifadəçinin selfi şəkillərini də əldə edə bilir.
Kaspersky Lab məlumatına əsasən, hal-hazırda Skygofree virusuna bir neçə cihaz yoluxub ki, onların da hamısı İtaliyadadır.
