Google şirkəti aerokosmik sahədə özəl şirkətlər üçün tərtib edilmiş Lunar X layihəsini ləğv edib. Layihənin əsas şərti iştirakçılar tərəfindən Ay səthinə özü idarə olunan aerokosmik apparatın göndərilməsi, həmin cihazın Ay səthi üzərində ən az 500 m məsafə qət etməsi və yüksək keyfiyyətli görüntülər əldə etməsi idi. Mükafat isə 30 milyon dollar idi. Lakin, 10 il keçməsinə baxmayaraq heç bir iştirakçı şirkət layiqli layihə təqdim edə bilmədi və Google mükafatı ləğv etdi.
Qeyd edək ki, yarışda 25 komanda iştirak edirdi ki, onların da arasında Florida ştatından Moon Express, yapon şirkəti Team Hakuto, İsarildən SpaceIL, Hindistandan TeamIndus və beynəlxalq Synergy Moon şirkəti var idi.
