Facebook sosial şəbəkəsi xəbər lenti alqoritmini dəyişib. Bundan sonra istifadəçilər daha çox dost, qohum və tanışların paylaşdığı post, şəkil və videoları görəcəklər. Bu isə öz növbəsində o deməkdir ki, şirkət və biznes məqsədli postlara xəbər lentində daha az rast gəlinəcək. Bu barədə sosial şəbəkənin yaradıcısı Mark Zuckerberg öz profilində məlumat verib. O qeyd edib ki, son zamanlar istifadəçilərdən biznes və media məzmunlu postların xəbər lentində çoxalması haqqında çoxsaylı şikayətlər gəlir.
Biz Facebook-un, yəni sosial şəbəkənin əsas məqsədini unutmağa başlamışıq. Əsas məqsəd isə insanları yaxınları və dostları bağlamaq, daha da sosiallaşdırmaqdır. Artıq biz strategiyamızı dəyişirik. Bundan sonra Facebook daha az istifadə oluna bilər, amma daha böyük dəyərə malik olacaq, — deyə Mark Zuckeberg qeyd edib.
