Xiaomi rəhbərliyi Hindistan bazarında Samsung üzərində qələbəni bayram edərkən insayderlər yeni Redmi 5 və Redmi 5 Plus smartfonları haqqında yeni məlumatlar əldə ediblər.
Qeyd edilir ki, Xiaomi Redmi 5 və Redmi 5 Plus smartfonlarının təqdimatı ya bu ayın sonunda, ya da Dekabr ayının əvvəlində baş tutacaq. Xiaomi Redmi 5 Plus 6 düymlük Full HD displey, 8 nüvəli Snapdragon 625 prosessoru, 3/4 GB RAM və 32/64 GB daxili yaddaş ilə təchiz edilib. Əsas kamera 12 mpxl., ön kamera isə 5 mpxl. olacaq. Batareya 4000 mAh təşkil edəcək.
Xiaomi Redmi 5 isə 5.7 düymlük HD displey, Snapdragon 450, 3 GB RAM və 12 mpxl. əsas kamera ilə təchiz ediləcək.
Bildirilir ki, Redmi 5 modeli 120 dollardan, Redmi 5 Plus modeli isə 150 dollardan satışa çıxarılacaq.
