Bkav Corporation adlı Vyetnam şirkəti smartfonların və proqram təminatının hazırlanması üzrə ixtisaslaşıb. Onlar 3D maskanın köməyi ilə Face ID texnologiyasını aldada biliblər. Qeyd edək ki, maskanın hazırlanmasına o qədər də vaxt və güc sərf edilməyib. Onlar üzü 3D printerdə çap ediblər və daha sonra üzərinə göz və dodaqların şəklini yapışdırıblar. Hətta belə keyfiyyətsiz bənzətmə belə Face ID texnologiyasını aldadıb.
Bir müddət əvvəl Apple rəsmiləri qeyd edirdi ki, Face ID texnologiyasını Hollivudun professional vizajistləri və maska istehsalçıları sınaqdan keçiriblər və sınaq uğurlu alınıb.
