Belə ki, Avropa birliyində sənət əsəri — mahnı, şəkil, video və yaxud bina müəllifin həyatı boyu və ölümündən 70 il sonra müəllif hüquqları ilə müdafiə olunub. Əgər həmin obyekt hansısa gözəl mənzərənin qarşısında yer alıbsa, o zaman mənzərənin şəklini çəkərkən həmin obyektin şəklin mərkəzində olmaması gərəkdir. Lakin, Avropa birliyində elə ölkələr var ki, panorama azadlığı da məhdudlaşdırılıb. Bu tip ölkələr arasında Fransa da var. İtaliyada isə ümumiyyətlə panorama çəkilişi qadağandır.
Eyfel qülləsinə gəldikdə, müəllifi 1923-cü ildə vəfat edib və qanuna uyğun olaraq 1993-cü ildə müəllif hüquqları yığışdırılıb. Lakin, gecə çəkilişi məsələsində xüsusi nüanslar var. Belə ki, abidənin üzərindəki romantik gecə işıqlandırması 1985-ci ildə quraşdırılıb. Bu isə o deməkdir ki, abidəni gecə çəkmək müəllif hüquqlarının pozulması deməkdir. Öz şəxsi qeyri-kommersiya məqsədləriniz üçün gecə çəkilişi apara bilərsiz, lakin, Eyfel qülləsinin gecə görüntüsünü sosial şəbəkədə paylaşmaq üçün belə müəllif hüququ olan La Société d’exploitation de la tour Eiffel (SETE) şirkətindən icazə almalısınız.
