Şəbəkədə yayılan şəkillərə əsasən, Meizu şirkətinin təqdim edəcəyi yeni flaqmanların arxa hissəsində, qoşa kameranın altında əlavə kiçik displey olacaq. Belə ki, ikinci displey vaxt, gələn mesajlar, buraxılan zənglər və digər bu kimi məlumatları özündə əks etdirəcək.
İki yeni flaqmanın göstəriciləri haqqında da məlumatlar yayılıb. Pro 7 versiyası 5.2 düymlük Full HD displey, Pro 7 Plus versiyası 5.7 düymlük 2K displey ilə təchiz olunacaq. Digər bütün parametrlər eyni olacaq. Şaiyələr gəzir ki, MediaTek əvəzinə Samsung Exynos prosessoru istifadə oluna bilər. Qiymətlər məlum deyil.
