Galaxy Note 7 modeli ötən ilin bəlkə də ən çox gözlənilən smartfonu idi, lakin, satışa çıxarılandan bir müddət sonra bütün dünyada bu cihazın kəskin qızması və hətta partlaması barədə məlumatlar yayıldı. Müvafiq araşdırma aparıldıqdan sonra Samsung problemlə bağlı məsuliyyəti öz üzərinə götürərək bütün Note 7 smartfonlarını geri çağırdı və bu modeli satışdan çıxardı.
Bir müddət əvvəl yayılan məlumatlara əsasən, Samsung şirkəti Note 7 smartfonunu yenidən bazara çıxaracaq. Belə ki, şirkət cihazın mühüm detallarını (kamera, ötürücülər, displey və s.) saxlayaraq digər problemli hissələrini təmir edəcək və yenidən satışa çıxaracaq. Qiyməti əhəmiyyətli dərəcədə aşağı olacağı istisna edilmir.
