iPhone 7 və iPhone 7 Plus modellərinin anonsundan bir neçə ay keçib, amma artıq yeni nəsil smartfonlar haqqında şayiələr üzə çıxıb. Sharp-ın başçısı Apple şirkətinin OLED displeylərinə keçəcəyini bildirib, Focxonn isə iPhone 8 üçün simsiz şarj cihazının istehsalına başladığını bildirib. Yeni texnologiyanın «yubiley» buraxılış olan iPhone 8-də təqdim olunacağı istisna edilmir, çünki bir çox Android cihazlarında bu texnologiya artıq mövcuddur. LG isə ümumiyyətlə sürətli simsiz şarj texnologiyasından artıq istifadə edir.
Yeni texnologiyanın istifadəsi yenilənmiş dizayn sayəsində mümkün olacaq. Belə ki, yeni iPhone-un üz və arxa hissəsi şüşədən ibarət olacaq, yalnız metal çərçivə mövcud olacaq. Bundan başqa, Home düyməsi tamamilə ləğv ediləcək, Touch ID isə birbaşa ekranın şüşəsinə quraşdırılacaq.
Əlbəttə ki, bütün yuxarıda qeyd olunanlar sadəcə ehtimallardır, lakin bu günə qədər ekspertlərin ehtimalları demək olar ki, hər zaman doğru olmuşdur. Simsiz qulaqcıqların iPhone 7-də mövcud olacağı hələ 1 il əvvəl deyilmişdi.
