Getdikcə daha da populyarlaşan «Prisma» foto tətbiqinin yaradıcısı Aleksey Moiseyenkov tezliklə əlavə olunacaq yeni funksiya haqqda məlumat verib. Söhbət şəkillərlə yanaşı artıq video çarxların da redaktə edilməsi imkanından gedir.
Moiseyenkov bu barədə Twitter-də bir istifadəçi ilə söhbətində məlumat verib. Belə ki, istifadəçi «Prisma»-da redaktə edilmiş 180 şəkildən ibarət video çarx hazırladığını bildirib və Moiseyenkov buna daha ehtiyac olmayacağını bildirib.
Xatırladaq ki, «Prisma» rus tərtibatçıları tərəfindən hazırlanmış foto tətbiqidir. Onun köməyi ilə istənilən fotoları əsl şəkillərə çevirmək mümkündür. Seçim üçün müxtəlif filtrlər təqdim olunur: komiks janrı, yapon əl işi və s.
