Bazar ertəsi Fortune Magazine jurnalı tərəfindən dərc olunmuş «Fortune 500» ənənəvi illik reytinqində Apple 3-ü sıraya yüksəlib. Şirkət bir il müddətində iki pillə irəliləyərək ABŞ-ın ikinci ən böyük enerji şirkəti Chevron Corporation və Berkshire Hathaway çoxmillətli holdingini geridə qoymağı bacarıb. Reytinqdə ilk 2 sırada mövqelərini qoruyan Walmart və dünyanın ən böyük özəl neft şirkəti Exxon Mobile qərarlaşıb.
Qeyd edək ki, ötən il Apple bu reytinqdə beşinci pillədə yer almışdı, 2013-cü ildə — altıncı, 2012-ci ildə — 17-ci, 2011-ci ildə 35-ci, 2010-cu ildə isə 56-cı sırada qərarlaşmışdı.
«Fortune 500» reytinqində yalnız ABŞ şirkətləri iştirak edir və əsas göstərici kimi şirkətlərin gəlirləri qeydə alınır.
