Google şirkəti Android əməliyyat sisteminə yeni «Yaxınlıqda» adlı funksiya əlavə edib. Bu funksiya istifadəçiyə yerindən asılı olaraq müxtəlif faydalı tətbiqlər və veb-saytlar təklif edir. Məsələn, siz mağazada olarkən sistem bunu müəyyən edir və barkodların skan edilməsi üçün tətbiq təklif edir və yaxud əgər muzeydəsinizsə, o zaman sizə eksponatlar haqqında məlumat əldə etməniz üçün audio-bələdçi tətbiqi təklif olunur.
Hələlik sistemin müəyyən edə biləcəyi yerlər siyahısında bir neçə hava limanı və muzeylər mövcuddur. Google gələcəkdə bu siyahını genişləndirəcəyini söz verib.
«Yaxınlıqda» funksiyası Google Play Services-in ən son yeniləməsində aktiv olunub və Android 4.4 KitKat və daha yeni versiyalarda çalışır.
