Mauntin-Vyu (Kaliforniya) şəhərində 18-20 may tarixlərində keçirilən Google I/O 2016 konfransında Google tərəfindən Amazon Echo-ya cavab olaraq yeni cihaz təqdim olunub – Google Home adlı səsli idarəetmədə qabaqcıl imkanlara malik ev qadceti.
Cihaz Wi-Fi-kolonka kimi işləməklə yanaşı səsli idarəetmə vasitəsi ilə Google-da axtarış yerinə yetirə bilər və müxtəlif bulud servislərindən musiqi səsləndirə bilər. Virtual səsli köməkçisi ilə Google Home ev daxilində müxtəlif tapşırıqlar təyin edə bilər, məsələn, Nest termostatının tənzimlənməsi, taymerin aktiv-deaktiv edilməsi, işıqlandırmanın tənzimlənməsi, musiqi sisteminin idarə olunması və s.
Qeyd edək ki, cihaz bu ilin sonuna kimi istifadəçilərə əlçatan olacaq.
