Amazon Fire planşeti keçən ilin sentyabr ayında təqdim olunmuşdu və ucuz qiymətinə görə məhşurlaşmışdı. Belə ki, ədəd olaraq planşet 50 dollara satılırdı, xüsusi bağlamada olan 6 planşet birlikdə isə 250 dollara təklif edilirdi. Amazon planşeti bir qədər yeniləyib: indi daha üç rəng əlavə olunub (tünd qırmızı, göy və narıncı) və daxili yaddaşı ikiqat artırılmış versiya təqdim olunub. Əvvəlki versiya 8 GB daxili yaddaş ilə müştərilərə təqdim edilirdisə, indi 16 GB daxili yaddaşı olan planşet 70 dollara təklif olunur.
Planşetin digər göstəriciləri dəyişməz olaraq qalıb: 7 düymlük 1024×600 IPS ekran, 4 nüvəli 1.3 Ghz MediaTek MT8127 prosessoru, 1 GB operativ yaddaş (RAM), micro SD dəstəyi, 2 və 0.3 MP kameralar, Android (Fire OS 5) əməliyyat sistemi və 313 qr. çəki.
