Falcongaze analitik mərkəzi ən təhlükəsiz IM-servislərin (instant messaging) reytinq cədvəlini hazırlayıb. Cədvəlin hazırlanma əsnasında müxtəlif faktorıar nəzərə alınıb: verilənlərin ötürülmə protokolunun açıq / bağlı olması, ismarıcların şifrələnmə funksiyasının olub olmaması və s.
Reytinqdə ən yüksək kürsüyə Telegram layiq görülüb. Protokol və API, informasiya təhlükəsizliyi üçün proqram təminatı, “end-to-end” (ismarıcın birbaşa şifrələnərək ötürülməsi) funksiyası, məlumat sızmasına qarşı güclü müdafiə sistemi kimi faktorlar Telegram-ı haqqlı olaraq birinci edib.
Falcongaze reytinqinin gümüş medalına WhatsApp layiq görülüb. İlk üçlüyü isə Viber qapayıb. Ən təhlükəsiz “messenger”-lərin reytinq cədvlində digər sıralarda müvafiq olaraq Skype, Google Hangouts, Facebook Messenger və ICQ qərarlaşıb.
