Tesla Motors şirkətinin avtomobillərin istehsalı üzrə keçmiş vitse-prezidenti Kris Porrit Apple-da fəaliyyət göstərəcək. Orada Kris “Titan” proektinin rəhbəri olmuş Stiv Zadeskini əvəz edəcək. Bəzi mənbələrə görə bu proekt birbaşa Apple Car-ların istehsalı ilə bağlıdır.
Tesla-ya keçidindən öncə Kris Porrit Land Rover və Aston Martin kimi böyük şirkətlərdə rəhbərlik vəzifələrində çalışmışdır. Aston Martin-də fəaliyyət göstərərkən Porritin V12 Vantage, DB9 və One-77 kimi məhşur superkarların istehsalında əməyi olub. Tesla-da isə Porritin rəhbərliyi altında Model 3 elektrokarı istehsal edilib.
Maraqlısı odur ki, Porritin getməsini Tesla rəsmən təsdiq etsə də, Apple bu məsələni hələki şərh etmir.
