Kiber təhlükəsizlik ilə məşqul olan Redlock şirkəti Tesla-nın Amazon Web Service buludunun hakerlər tərəfindən qırıldığını bildiriblər. Qeyd edilir ki, hakerlər Google-un Kubernetes (avtomatlaşdırma üçün proqram təminatı) sistemindən istifadən edərək Tesla-nın bulud servisini qırıblar. Redlock işçilərinin sözlərinə görə, hakerlər Tesla-nın hətta yüksək dərəcədə gizli məlumatlarını da əldə edə bilərlər. Lakin, hakerlərə Tesla-nın məlumatları deyil, kriptovalyuta «mining»-i üçün servisin gücü lazım idi. Onlar Cloudflare sayəsində öz IP-ünvanlarını da gizlədə biliblər, bulud servisini isə diqqət cəlb etməmək üçün tam gücdə istifadə etmirdilər.
Tesla isə rəsmi məlumatda qeyd edib ki, bütün boşluqlar qapadılıb və heç bir istifadəçi məlumatı və digər gizli verilənlər təhlükə altında deyil.
