Samsung şirkəti orta qiymət seqmentinə aid olan cihazlar üçün əməliyyat sistemi yeniləməsi hazırlayır. İlk olaraq 950 mb Android 7.0 Nougat yeniləməsi Galaxy A3 (2016) modelinə göndəriləcək. Növbədə isə iki il əvvəl təqdim olunmuş Galaxy J7 (2015) modeli var. Xatırladaq ki, Samsung Galaxy J7 (2015) ilk olaraq Android 5.1 əməliyyat sistemi ilə çalışırdı, daha sonra Android 6.0.1-dək yenilənmişdi. İndi isə bu cihaz üçün Android 7.0 Nougat yeniləməsinin göndəriləcəyi gözlənilir.
