The Investor nəşrinin yaydığı məlumata əsasən, Samsung Electronics şirkəti gələcək flaqman Galaxy S9 smartfonu üzərində işlərə start verib. Qeyd edilir ki, Samsung-un müvafiq bölməsi gələcək flaqmanın əsas detallarının tərtibat planını artıq hazırlayır. Yeni xüsusiyyətlər arasında bütük ekran üzərinə çəkiləcək displey xüsusilə qeyd edilir.
Mənbədən bildirilir ki, işlər hələ mart ayının ortalarında start götürüb, ilk nüsxələr isə sınaq üçün aprel ayının sonlarında təqdim ediləcək. İşlərin bu qədər tez başlanmasının əsas səbəbi kimi Galaxy Note 7 smartfonu ilə baş vermiş fiaskonun bir daha təkrarlanmaması göstərilir.
