Məşhur batareya istehsalçısı Energizer şirkəti MWC 2017 sərgisi çərçivəsində qoşa kameralı smartfon təqdim edib. Energy E550LTE adlı smartfon IP68 standartlı su və tozdan müdafiə texnologiyası, MediaTek MT6755 (2 Ghz) prosessoru, 4 GB RAM / 64 GB daxili yaddaş, microSD yuva ilə təchiz edilib.
Smartfonun displeyi 5.5 düym (FullHD) təşkil edir. Əsas kameralar qoşa formadadır və 13 / 8 mpxl.-dir. Batareyanın həcmi 4000 mAh-dir. Cihazın satış qiyməti 449 avro təşkil edəcək.
