WhatsApp tərtibatçıları tətbiqin Android üçün yenilənmiş beta-versiyasına (2.16.230) bir sıra yeni funksiyalar əlavə edəcəklər. Yeniliklər arasında ən çox nəzərə çarpan «mesajların və ya hər hansısa faylın bir neçə istifadəçi və ya qruplara göndərilməsi» funksiyasıdır. Belə ki, daha öncə mesaj və ya faylı yalnız bir istifadəçi və ya bir qrupa göndərmək mümkün idi. Yeni beta-versiyanın daha bir özəlliyi mesajın və ya faylın dərhal 3 ən çox ünsiyyətdə olduğunuz istifadəçiyə göndərilməsi imkanıdır.
Yuxarıda qeyd olunanlarla yanaşı tezliklə WhatsApp-da GIF animasiyalar, video zənglər və şəkillərə müxtəlif yazılar yerləşdirmək imkanı da mövcud olacaq.
