Mobile World Congress 2022 ərəfəsində şirkət tədbirdə iştirakını təsdiqləyib. Elektronika şousunun rəsmi tizerində Samsung-un qarşıdan gələn təqdimat üçün hazırladığı məhsullara da işarə edildi.
Şirkətin internet saytındakı reklamlarda göstərilən qurğular arasında Galaxy Flip və Galaxy Fold forma faktorunda qatlana bilən smartfonlar qeyd edilib. Bundan əlavə, rəsmi animasiya videosunda Galaxy S22 Ultra modelinə bənzəyən gadget qeyd edilib. Şirkət həmçinin stiluslu planşet, smart saat və noutbuk nümayiş etdirib. Müşayiət olunan mətnə əsasən, yeni məhsulların bir hissəsi təhsil və iş sahəsinə yönəldiləcək.
Samsung MWC 2022 təqdimatını 27 fevral 2022-ci ildə şirkətin rəsmi YouTube kanalında və Samsung Newsroom portalında canlı yayımlayacaq. Tədbirin Bakı vaxtı ilə saat 22:00-da başlaması nəzərdə tutulub.
Bizi Telegram kanalımızdan da izləyə bilərsiniz. https://t.me/infocity_az
