Qeyd edilir ki, Yaponiya Müdafiə Nazirliyi zərərli proqram təminatını (viruslar) cari ilin sonunadək hazırlayacaq. Layihə üzərində rəsmi dövlət qurumları deyil, məhz kənar fiziki şəxslər məşqul olacaq.
Kiber silah kimi istifadə olunacaq bu virusların yalnız müdafiə xarakterli olduğu deyilir. Məsələn, Yaponiya dövlət qurumlarının kiber hücumlara məruz qaldığı vaxt əks hücum elementi olaraq istifadə ediləcək. Jurnalistlər qeyd edir ki, kiber silah aktiv şəkildə İsrail, Çin, ABŞ və Rusiyada istifadə edilir, lakin rəsmi olaraq bu haqqda məlumat vermirlər.