SpaceX-in növbəti nəsil Starship V4 kosmik gəmisi indiki versiyadan xeyli böyük olacaq. İlon Mask yeni aparatın ölçüləri və mühərrik sistemi ilə bağlı maraqlı detalları açıqlayıb.
Starship V4 will be ~70m long, which is roughly a 40% length increase and allows >60% more propellant load.
Engine count will be raised to 9, with 3 more Raptor-Vacuum engines added, and these will be higher thrust V4 engines.
— Elon Musk (@elonmusk) November 16, 2026
Maskın sözlərinə görə, Starship V4-ün uzunluğu təxminən 70 metr olacaq. Bu, hazırkı versiya ilə müqayisədə təxminən 40% artım deməkdir. Ölçülərin böyüməsi sayəsində gəminin yanacaq tutumu da 60%-dən çox artırılacaq.
Mühərrik sistemində də ciddi dəyişikliklər nəzərdə tutulur. Yeni Starship əvvəlki konfiqurasiyanın əvəzinə doqquz Raptor mühərriki ilə təchiz ediləcək. Onlardan üçü vakuum şəraitində işləmək üçün nəzərdə tutulan Raptor Vacuum mühərrikləri olacaq. Bütün mühərriklər daha yüksək dartı qüvvəsinə malik yeni V4 nəslinə aid ediləcək.
Xatırladaq ki, noyabrın 14-də SpaceX tarixində ilk dəfə Starship-in yuxarı pilləsini Mechazilla qülləsinin mexaniki qolları ilə uğurla tutmağı bacarıb. Təxminən 22,5 saat davam edən uçuş zamanı Yer ətrafında 14 dövrə vuran Ship 42 Starbase start meydançasına qayıdaraq qüllə tərəfindən havada tutulub. Lakin Super Heavy B22 sürətləndiricisini tutmaq mümkün olmayıb. Baş verən texniki problem səbəbindən onun Meksika körfəzinə enməsi qərara alınıb.
SpaceX-in əsas məqsədi hər iki pilləni tam təkrar istifadə edilə bilən vəziyyətə gətirmək və uçuşlar arasındakı fasiləni təyyarələrdə olduğu kimi minimuma endirməkdir. Mask artıq kosmosdan qayıdan Starship-in yaxşı vəziyyətdə olduğunu və nəzəri olaraq bir neçə həftə ərzində yenidən uçuşa hazırlana biləcəyini bildirib.
Daha uzunmüddətli perspektivdə isə şirkət Starship-dən Artemis proqramı çərçivəsində Aya yük və astronavtların çatdırılması, eləcə də gələcəkdə Marsa pilotlu ekspedisiyaların həyata keçirilməsi üçün istifadə etməyi planlaşdırır.










