İlon Mask gələn il ABŞ-da yaşayan hər bir uşağa SpaceX şirkətinin bir səhmini hədiyyə etmək niyyətində olduğunu açıqlayıb. Onun sözlərinə görə, bu, gələcəkdə həyata keçiriləcək oxşar paylama proqramlarının ilk mərhələsi olacaq. Hazırda bir səhmin dəyəri təxminən 150 dollar təşkil edir.
Next year, I will give one of my SpaceX shares to every kid in America.
This will be the first of many.
— Elon Musk (@elonmusk) October 19, 2026
Mask vədinə əməl edərsə, amerikalı uşaqlar yetkinlik yaşına çatmamış dünyanın ən böyük özəl kosmik şirkətlərindən birinin ortaq sahibinə çevrilə bilərlər. Bununla belə, proqramın necə həyata keçiriləcəyi, səhmlərin hansı qaydada paylanacağı və iştirak üçün hansı şərtlərin tələb olunacağı hələ açıqlanmayıb.
İlon Mask dəfələrlə süni intellektin və robot texnologiyalarının inkişafının insanların yaşamaq üçün işləmək məcburiyyətində qalmadığı bir gələcəyə gətirib çıxara biləcəyini bildirib. Onun fikrincə, gələcəkdə dövlət vətəndaşlara işləyib-işləməmələrindən asılı olmayaraq gəlir təmin edə bilər.
Mask hesab edir ki, robotlar və süni intellekt kifayət qədər çox məhsul və xidmət istehsal edə biləcək. Bu isə işləməyən insanların da yüksək həyat səviyyəsinə sahib olmasına imkan yarada bilər.
