Amerika şirkəti Motorola Mobility LLC bu ilin sonunda Razr seriyasındakı növbəti qatlana bilən cihazını təqdim etməyə hazırlaşır. Bu barədə “ChannelNews” onlayn xəbər nəşri məlumat yayıb.
Nəşrin məqaləsində qeyd olunur ki, internetdə yeni sızmalar ABŞ-dan kənarda Razr Ultra 60 kimi tanınan Razr Plus-ın (2025) növbəti nəslinin Geekbench prosessorunun performansını yoxlamaq platformasında peyda olduğunu göstərir. Nəşr göstərir ki, Motorola cihazı 2024-cü ilin sonunda buraxılmış ən son Qualcomm çipseti olan güclü Snapdragon 8 Elite çipsetlə təchiz edə bilər.
Məşhur Geekbench bençmarkına əsasən, qurğu Qualcomm-dan səkkiznüvəli çipsetlə (3,53 QHs tezliyə malik 6 nüvə və 4,32 QHs-lik 2 nüvəli) təchiz olunacaq. Adreno 830 qrafik sürətləndiricisinin olduğu da təsdiqlənir ki, Razr Ultra 60 12 GB RAM ilə təchiz oluna bilər və Android 15-də işləyə bilər.
«Əgər son hesabatlar doğrudursa, bu, qarşıdan gələn Razr 60 Ultra-nı prosessor gücü baxımından bu yaxınlarda nümayiş etdirilən Samsung Galaxy S25 seriyası və Asus Zenfone 12 Ultra ilə bərabər tutacaq», — ChannelNews yekunlaşdırır.
