Çində satışa çıxarıldıqdan qısa müddət sonra OPPO Reno11-in beynəlxalq bazar üçün versiyası bir anda bir neçə tənzimləyici tərəfindən sertifikatlaşdırıldı. Bunun sayəsində onun texniki xüsusiyyətlərinə görə əvvəllər təqdim olunan modeldən nə ilə fərqlənəcəyi məlum olub.
OPPO Reno11 5G CPH2599 indeksi altında FCC, TDRA və BIS tənzimləyicilərinin məlumat bazalarında qeyd edilib. Smartfonun qlobal versiyasında əsas dəyişiklik prosessor modeli olacaq — Çin bazarı üçün orijinal cihazda Dimensity 8200 əvəzinə MediaTek Dimensity 1080.
Digər spesifikasiyalar dəyişməz olaraq qalır. Qadcet NFC modulu, 8 GB əməli yaddaş və 67 vatt sürətli şarj texnologiyasını dəstəkləyən 4870 mAh tutumlu akkumulyator alacaq.
Bizi Telegram kanalımızdan da izləyə bilərsiniz. https://t.me/infocity_az
