Əsası 1993-cü ildə qoyulmuş və informasiya texnologiyaları sahəsində tanınmış «R.İ.S.K. Elmi İstehsalat Şirkəti» QSC (R.İ.S.K.) bu yaxınlarda fəaliyyətinin 30 illiyini qeyd etmişdir.
Bu müddət ərzində şirkət həm Azərbaycanda, həm də onun hüdudlarından kənarda əhəmiyyətli nailiyyətlər əldə etmişdır. Tək bir xarici bazarlarda R.İ.S.K., coğrafi olaraq dünyanın 4 qitəsində, yüzlərlə müqavilələrə imza atmış və uğurlu layihələr həyata keçirmişdir.
İT və info-/kiber-təhlükəsizlik üzrə konsaltinq, sistem inteqrasiyası, tətbiqi proqram təminatı istehsalı, coğrafi informasiya sistemlərinin (GIS) yaradılması kimi istiqamətlər şirkətin fəaliyyət istiqamətlərinin yalnız bir hissəsidir. Onun innovativ həllərinin və xidmətlərinin sifarişçiləri isə iri telekommunikasiya şirkətləri, dövlət qurumları, hüquq-mühafizə orqanları, neft və qaz sənayesi iştirakçıları, bank-maliyyə, tikinti və həmçinin nəqliyyat sektorlarıdır. R.İ.S.K. Elmi İstehsalat Şirkəti dünyanın nəhəng İT və telekommunikasiya avadanlıqları istehsalçıları ilə yaxından tərəfdaşlıq edir.
Şirkətin fəaliyyətində proqram məhsullarının yaradılması xüsusi yer tutur. Buna nümunə R.İ.S.K.-in beynəlxalq mülki aviasiya naviqasiyası üçün hazırlayıb çixardığı çoxsaylı proqram paketidir. Uçuş təhlükəsizliyinə dəstək sistemləri kimi istifadə olunan bu proqramlar dünya bazarında, sıx rəqabət şəraitində, xüsusi uğurlar qazanmışdır. Hal-hazırda şirkətin məhsulları, bu və ya digər çeşiddə, dünyanın 20-dən çox ölkəsinin aeronaviqasiya idarələri tərəfindən istismar olunur.
Elə bu yaxınlarda, R.İ.S.K. Misirin «Milli Aeronaviqasiya Xidmətləri Şirkətində» (National Airnavigation Services Company — NANSC) keçirilən beynəlxalq müsabiqənin (tenderin) qalibi olmaqla növbəti uğur qazanmışdır. İmzalanmış müqavilənin predmeti NANSC-da aeronavigasiya informasiya zənciri idarəçiliyinin avtomatlaşdırıma yolu ilə təkmilləşdirilməsi və İCAO standartlarına uyğunlaşdırılmasıdır. Şirkətin təhlükəsiz uçuş marşrutlarının yaradılması üçün nəzərdə tutulan proqram təminatı da 18 ay müddətinə nəzərdə tutulmuş bu müqavilənin predmetinə daxildir.
Qeyd edək ki, R.I.S.K. bu il ISO 9001 beynəlxalq keyfiyyət standartına uyğun sertifikatlaşmasının da 20 illiyini qeyd etmişdir.
