OnePlus Fold markanın ilk üfüqi qatlana bilən smartfonu olmalıdır. Şirkət hələ təqdimat tarixini açıqlamasa da, bunu artıq insayder Yogesh Brar edib. Eyni zamanda o, gələcək yeniliyin ilk satış dalğasının başladığı regionların adını çəkib.
Mənbənin sözlərinə görə, OnePlus Fold avqustun birinci yarısında Nyu-Yorkda canlı təqdimatda buraxılacaq. Smartfon dərhal Hindistan, ABŞ və bir sıra digər regionlarda satışa çıxarılacaq (tam siyahı göstərilməyib).
Smartfonun texniki xüsusiyyətləri istehsalçı tərəfindən hələ açıqlanmayıb. Şayiələrə görə, yenilik OPPO Find N3-ün dəyişdirilmiş versiyası olacaq, lakin hələlik bunun rəsmi təsdiqi yoxdur. Cihazın qiyməti də məlum deyil.
Bizi Telegram kanalımızdan da izləyə bilərsiniz. https://t.me/infocity_az
