Şəbəkədə Asiya mağazalarından birində görünən, hələ elan olunmamış AMD Radeon RX 7600 qrafik kartının qablaşdırmasının fotosu peyda olub. Şəkildə olan məlumata görə, gələcək yenilik, özündən əvvəlki RX 6600 kimi, 8 GB video yaddaş ilə təchiz olunacaq.
Şayiələrə görə, GPU Navi 33 əsasında hazırlanmış videokart 32 hesablama blokuna və 32 MB yüksəksürətli Infinity Cache yaddaşına malik olacaq. Fotonun müəllifinin sözlərinə görə, qrafik adapterin qiyməti 249 dollar olacaq, lakin hələlik bu məlumatın təsdiqi yoxdur. Rəsmi olaraq yeni model mayın sonunda açılacaq Computex sərgisində elan edilə bilər.
Bizi Telegram kanalımızdan da izləyə bilərsiniz. https://t.me/infocity_az
