Microsoft şirkəti Windows 11 əməliyyat sisteminin yeni versiyasında RAR və 7-Zip arxivləri, eləcə də digər fayl növləri üçün daxili dəstəyin olacağını açıqlayıb. İstifadəçiləri bu yeniliyi 10 ildir ki gözləyirdilər.
“Biz libarchive açıq mənbə layihəsindən istifadə edərək, tar, 7-zip, rar, gz və digər əlavə arxiv formatları üçün daxili dəstək əlavə etdik”, – deyə şirkətin rəhbəri Panos Panay bildirib.
Beləliklə, Windows artıq arxivləşdiriciyə çevrilir. İndi minlərlə faylı bir arxivdə saxlamağa və diskdə daha az yer tutması üçün əlavə olaraq azaltmaöa imkan verən yardım proqramlarından istifadəyə ehtiyac olmayacaq. Bu o deməkdir ki, əfsanəvi WinRAR da bəzi istifadəçilərini itirə bilər.
Microsoft-dan əlavə edilib ki, yeni formatlar üçün dəstək bu həftənin sonunda istifadəçilər üçün əlçatan olacaq.
