HUAWEI, Y91 təqdim etməyi ilə Nova smartfon seriyasını genişləndirdi. Yenilik böyük displey, güclü akkumulyator və 50 MP-lik ikili kamera ilə təchiz edilib.
HUAWEI Nova Y91 2376×1080 piksel təsvir ölçüsünə və 90 Hz yeniləmə tezliyinə malik 6,95 düymlük LCD displey əldə edib. Smartfonun “ürəyi” 8 GB operativ yaddaş və 128/256 GB daimi yaddaşla birlikdə Snapdargon 680-dur.
Arxa kameraya 50 meqapiksellik əsas sensor və LED Flash-i olan 2 meqapiksellik sensor daxildir. Selfie və videozənglər üçün 8 meqapiksellik ön kamera var. Yenilik 22,5 vatt gücündə sürətli şarj dəstəyi ilə 7000 mAh batareya ilə təchiz edilib. Digər xüsusiyyətlər arasında SİM, 4G VoLTE, Wi-Fi 801.ac, Bluetooth 5.0, GPS, həmçinin USB Type-C portu və stereo dinamiklər üçün dəstək var. Smartfon EMUI 13 ilə işləyir.
HUAWEI Nova Y91 qara və ağ rənglərində mövcuddur, lakin cihazın qiyməti və satışa başlama tarixi hələ açıqlanmayıb.
Bizi Telegram kanalımızdan da izləyə bilərsiniz. https://t.me/infocity_az
