Zoom öz poçt xidmətini və təqvimini təqdim etdi — bu, Google və Microsoft ilə daha yaxşı rəqabət aparmağa imkan verəcək.
Zoom-da vahid Zoom One interfeysinin bir hissəsi olan yeni alətlər peyda oldu. Xatırladaq ki, Team Chat, Whiteboard, Phone və Meetings alətləri artıq mövcuddur. Yeni Zoom Mail və Zoom Calendar artıq Zoom-da görüşlər keçirən şirkətlər üçün Microsoft 365 və Google Workspace xidmətlərinə alternativ təqdim edəcək.
Xatırladaq ki, Zoom bu yaxınlarda Slack və Microsoft-un da ərazisinə daxil olub və hal hazırda ani ünsiyyət, video zənglər və e-poçt üçün xidmətdən ibarət tam hibrid iş paketini təklif etməyə hazırlaşır.
Müştərilər @zmail.com domenlərindən istifadə edə bilər və Zoom One Business istifadəçiləri üçün isə xüsusi domenlər əlçatan olacaq.
Calendar Zoom, əl rejimində görüş bağlantılarını dəyişdirmək ehtiyacının olmaması səbəbindən meetings ilə işləməyi asanlaşdırır. Həmçinin hansı zənglərin artıq başa çatdığını görmək və kiminsə komandanıza göndərməsini gözləmədən avtomatik olaraq zəng yazısına keçid əldə etmək imkanı da var.
Bizi Telegram kanalımızdan da izləyə bilərsiniz. https://t.me/infocity_az
