Brend nümayəndələrinin sözlərinə görə, Xiaomi Mix Fold 2 qatlana bilən flaqmanlarının ilk partiyası 5 dəqiqədən az müddətdə satılıb. Satıcı yeni komponentlərin qiyməti haqqında da məlumat verdi. Məlum olub ki, daxili displeyin təmiri bəzi iPhone-lardan baha başa gələcək.
Xatırladaq ki, yenilik 2016×1914 piksel təsvir ölçülü 8,02 düymlük daxili ekrandan istifadə edir — bu, Samsung Eco² OLED texnologiyasından (1000 nit, 120 Hz yeniləmə tezliyi, LTPO 2.0, P3 geniş rəng gamutu, Dolby) istifadə edilən ilk displeydir. Rəsmi məlumata görə, Mix Fold 2-nin daxili displeyi 721 dollar, xarici displeyi isə 133 dollar olacaq. Nəticədə, iki ekranın ümumi dəyəri təmir xidmətlərinin qiymətləri nəzərə alınmadan 850 dolları ötür ki, bu da yeni flaqman (və bəzi hallarda iki) almaq üçün kifayət edir.
Qatlanan panelin bu qədər yüksək qiymətinin səbəbi, bir çox analitiklərin qeyd etdiyi kimi, enerji istehlakının azaldılmasını və batareyanın ömrünün artırılmasını təmin edən Pol-less texnologiyasının istifadəsidir. Hal-hazırda bu, bütün sənayedə ən bahalı ekran sayılır.
Bundan əlavə, istehsalçı komponentlər üçün qiymətlərin bütün siyahısını dərc etdi:
- Arxa kamera (əsas) — 40 dollar
- Arxa kamera (Ultra Geniş) — 12 dollar
- Arxa kamera (telefoto) — 22 dollar
- Ön kamera — 16 dollar
- Dinamik — 7 dollar
- Ana plata — 412 dollar
- Batareyalar — hər biri 13 dollar (iki batareyadan ibarətdir)
- «Plata» — 21 dollar
- Arxa qapaq — 59 dollar
Bizi Telegram kanalımızdan da izləyə bilərsiniz. https://t.me/infocity_az
