Samsung şirkəti yeni qatlanan smartfon Galaxy Z Flip4-ün təqdimatına hazırlaşır. Modelin 128 GB daxili yaddaşla baza konfiqurasiyasında 1080 avro qiymətinə, 256 GB-lıq versiyanın 1160 avro, 512 GB daxili yaddaşa malik top variantın isə 1280 avro qiymətinə təqdim ediləcəyi gözlənilir.
Xatırladaq ki, hazırkı Samsung Galaxy Z Flip3 Avropada satışın başlanğıcında 1030 avroya başa gəlir, ona görə də qiymət əhəmiyyətli dərəcədə olmasa da, artacaq. Çox güman ki, Galaxy Z Fold4-ün qiyməti də artacaq və başlanğıc konfiqurasiya üçün 2000 avrodan ola bilər. Düzdür, hələlik Samsung Galaxy Z Fold4 ilə bağlı təfərrüatlar yoxdur.
Yeni Samsung Galaxy Z Flip4 və Galaxy Z Fold4-ün rəsmi təqdimatı avqustun 10-da gözlənilir. Qualcomm Snapdragon 8 Plus Gen 1 flaqman platforması hər iki modelin işinə cavabdeh olmalıdır.
Xatırladaq ki, Samsung Galaxy Z Flip4 6,7 düymlük AMOLED displey və əlavə, 1,9 düymlük AMOLED displey alacaq.
Bizi Telegram kanalımızdan da izləyə bilərsiniz. https://t.me/infocity_az
