Huawei şirkəti EKQ dəstəyi alan və HarmonyOS 3.0 ilə gələn yeni Watch 3 Pro New smart saatını rəsmi olaraq təqdim etdi. Saat Çin tənzimləyicisi tərəfindən II dərəcəli tibbi cihaz kimi sertifikatlaşdırılıb.
«Düyməni 30 saniyə saxlayın, bundan sonra cihaz elektrokardioqrammanın nəticələrini göstərəcək».
Yeni Huawei Watch 3 Pro New modeli 1,43 düymlük AMOLED ekranla təchiz edilib. Ekran sapfir kristalla qorunur. Cihaz NFC çipi və Huawei Petal Maps ilə işləyən GPS alıb. Zənglər və mesajlar göndərmək üçün eSIM funksiyası, eləcə də ürək dərəcəsi və qan oksigenlə doyma səviyyələri üçün sensorlar var.
Huawei Watch 3 Pro New 100-ə yaxın məşq növünü dəstəkləyir. Saat korpusu titan ərintisindən, arxa paneli isə keramikadan hazırlanmışdır. Saat 2-4 gün səviyyəsində muxtariyyət təmin edir, enerjiyə qənaət rejimi muxtariyyəti 21 günə qədər artırır.
Huawei Watch 3 Pro New-in qiyməti haqqında məlumat hələlik mövcud deyil.
Bizi Telegram kanalımızdan da izləyə bilərsiniz. https://t.me/infocity_az
