iQOO şirkəti iQOO Z6 adlı yeni orta səviyyəli Android qadcetini təqdim etməyə hazırlaşır. Təqdimat ərəfəsində insayderlər şəbəkədə orta səviyyəli cihazı təsvir edən render yerləşdiriblər, həmçinin onun əsas texniki xüsusiyyətlərini və bütün konfiqurasiyaların qiymətini dərc ediblər.
Onlayn mənbələrin məlumatına görə, qadcet 120 Hz yeniləmə tezliyi, Full HD+ təsvir ölçülü 6,58 düymlük IPS displey və 16 MP ön kamera ilə təchiz olunacaq. Cihazın “ürəyi” 4/128 GB, 6/128 GB və 8/128 GB yaddaş konfiqurasiyaları ilə birlikdə səkkiznüvəli Snapdragon 695 prosessoru olacaq. Bundan əlavə, yenilik sistem və proqramları optimallaşdırmaq üçün 4 GB-lıq Paging faylı əldə edəcək.
Smartfon 50, 2 və 2 meqapiksellik sensorlara malik əsas kamera, həmçinin 18 vatt sürətli şarjı dəstəkləyən 5000 mAh akkumulyatorla təchiz edilib. iQOO Z6-nın təqdimatı sabah, martın 16-da gözlənilir. İnsayderlərin fikrincə, yeni cihazların qiyməti operativ yaddaşın miqdarından asılı olaraq 195 dollardan 235 dollara qədər olacaq.
Bizi Telegram kanalımızdan da izləyə bilərsiniz. https://t.me/infocity_az
