Şirkət, OnePlus Nord CE 2 ilə eyni anda iki yeni smart TV modelini təqdim etdi. Bunlar iki ekran ölçüsündə təqdim olunan (32 və 43 düym) OnePlus TV Y1S və OnePlus TV Y1S Edge-dir.
Hər iki smart TV HDR10+, HDR10 və HLG standartlarını dəstəkləyir və həmçinin Android TV 11 əməliyyat sistemi ilə işləyir. Yeni məhsulların 32 düymlük displeyləri HD təsvir ölçüsünə malikdir, 43 düymlük displeylər isə Full HD-dir. Eyni zamanda, diaqonaldan asılı olmayaraq, hər iki cihazın ekranları aşağı mavi işıq emissiyası üçün TUV Rheinland tərəfindən sertifikatlaşdırılıb.
OnePlus TV Y1S və OnePlus TV Y1S Edge, oyun oynayarkən avtomatik olaraq aşağı gecikmə rejiminə keçmək üçün ALLM funksiyası ilə təchiz olunublar. Həmçinin, istifadəçilərin yeni məhsullarla qarşılıqlı əlaqəsi üçün onlar Google Assistant səsli köməkçisi və smart televizorları smartfondan idarə etməyə imkan verən OnePlus Connect 2.0 tətbiqi üçün dəstək aldılar.
OnePlus TV Y1S modelləri 20W tam diapazonlu stereo dinamiklər, OnePlus TV Y1S Edge modellərində isə 24W stereo dinamiklər əldə ediblər. Bundan əlavə, cihazlar Dolby Audio texnologiyası, ikizolaqlı Wi-Fi və əvvəlcədən quraşdırılmış xüsusi OxygenPlay 2.0 mikroproqramını dəstəkləyir.
Yeni məhsullar gələn bazar ertəsi, fevralın 21-də satışa çıxarılacaq. 32 düymlük OnePlus TV Y1S-in qiyməti 220 dollar, 43 düymlük variantı isə 360 dollardır. OnePlus TV Y1S Edge 32 və 43 düymlük versiyalar üçün müvafiq olaraq 227 və 373 dollara başa gələcək.
Bizi Telegram kanalımızdan da izləyə bilərsiniz. https://t.me/infocity_az
