TENAA tənzimləyicisinin saytında 2201116SC kod nömrəsi ilə hələ elan edilməmiş Redmi smartfonunun xüsusiyyətlərini əks etdirən texniki sənəd peyda olub. Gadget 120 Hz yeniləmə tezliyi ilə 6,67 düymlük OLED displey alacaq və adı açıqlanmayan səkkiznüvəli prosessor əsasında qurulacaq.
Cihazın operativ yaddaşının həcmi müxtəlif konfiqurasiyalarda 6-dan 16 GB-a qədər, daxili yaddaş isə 128-dən 512 GB-a qədər olacaq. Smartfon 108 meqapiksellik əsas sensor və 16 meqapiksellik ön kamera, həmçinin 67 vatt sürətli şarj funksiyasına malik 4900mah akkumulyatorla təchiz olunacaq.
Gadgetin kommersiya adı və qiyməti hələlik məlum deyil.
Bizi Telegram kanalımızdan da izləyə bilərsiniz. https://t.me/infocity_az
