Tanınmış insider Digital Chat Station-ın veridiyi məlumata görə, şirkət Xiaomi 12-də 50 meqapiksellik sensora malik üçlü kamera quraşdıracaq. Yəni həm əsas modul, həm də ultra geniş bucaqlı modul 50 meqapiksellik sensorlar istifadə edəcək. Yeri gəlmişkən, son modul 5x periskop olacaq.
Əvvəllər Xiaomi 12 Ultra-nın Samsung-dan 200MP görüntü sensoru ilə təchiz ediləcəyi ilə bağlı şayiələr yayılmışdı. Bunun doğru olub-olmayacağı hələ aydın deyil.
Xiaomi 12-nin 120 Hz-ə qədər adaptiv yeniləmə sürətinə malik LTPO AMOLED ekrana sahib olacağı da söylənilir. Snapdragon 898 prosessoru aparat bazası kimi xidmət edəcək.
Bizi Telegram kanalımızdan da izləyə bilərsiniz. https://t.me/infocity_az
