Xiaomi, rəsmi təqdimatı gələn həftə — 25 fevral tarixində keçiriləcək yeni RedmiBook Pro-ya həsr olunmuş daha bir teaser yayımladı.
Şirkət, ilk dəfə noutbukun dizaynını tam açıqladı. Cihazın korpusunun metaldan olduğu məlumdur. Ekranın üç tərəfi olduqca dar çərçivələrə malikdir. Yeri gəlmişkən, noutbukun 14 və 15 düym ekranlı versiyalarda təqdim ediləcəyi gözlənilir.
Noutbuk on birinci nəsil Intel Core prosessoru və NVIDIA GeForce MX450 qrafik sürətləndiricisi üzərində qurulacaq.
Bir veb kameranın, bir barmaq izi skanerinin, USB Type-C portunun və HDMI interfeysinin təmin edildiyi də məlumdur. Əməliyyat sistemi — Windows 10.
Bizi Telegram kanalımızdan da izləyə bilərsiniz. https://t.me/infocity_az
